Portağallı maffin

Portağallı maffin resepti. Qış gəldi yeni ilə bir aydan az qalıb, qışın ən sevimli meyvələrindən biri olan portağal ilə dadlı və ətirli bir maffin hazırlayırıq. Yumuşaq olur bloquma baxanlar bilər mən çox vaxt yumuşaq adamı necə deyərlər yeyəndə boğmayan keks reseptləri bölüşürəm. Mütləq ölçülərə sadiq qalın, un miqdarını artıq vurmayın, yoxsa quru çörək kimi olar maffinləriniz.

Verdiyim ölçülər tam 12 ədədli maffin qəlibi üçündür, maffin qəlibiniz yoxdursa orta ölçülü keks qəlibində də bişirəbilərsiz. 

Neçə vaxtdır havalar tutqun keçdiyi üçün şəkillər biraz qaranlıq olur.

Lazım olanlar:

100 qram kərə yağı

100 qram xama yağlılığı 20%

180 qram şəkər tozu

2 yumurta

1 portağal qabığının rəndəsi

10 qram qabardıcı toz

210 qr un

Hazırlanması:

Portağal qabığını rəndələyirik ağ yerini rəndələməyin acılıq verir yoxsa.

Otaq temperaturunda yumuşalmış yağla birgə şəkəri mikserlə çırpırıq 3 dəqiqə müddətində. Yumurtanı da qatırıq bura 2 dəqiqə yenə çalırıq, mikseri söndürüb xamanı və portağal qabığının rəndəsini əlavə edib qaşıqla qarışdırırıq.

Unu və qabardıcı tozu ələyib qatırıq bura və qarışdırırıq, un kütlələri qalmamlıdır xəmirdə. Qaşığdan tez tökülməyən biraz qatı xəmir alınmalıdır. Maffin qəlibinə maffin kağızlarını düzürsüz və xəmirdən hər yuvaya paylayırsız. Maffin üçün olan kağızlardan yoxdursa hər yuvanı incə təbəqə yağla yağlayın sonra un səpin, artıq ununu qəlibin arxasına vuraraq boşaltın.

180 dərəcə də əvvəlcədən isidilmiş sobada 20-25 dəq. bişir. İlk 20 dəqiqə heç sobanın qapağını açmayın, üstü qızaranda çöp batırın keksə quru çıxsa deməli hazırdır.

Soyuyandan sonra üzərinə şəkər kirşanı da səpmək olar.

NUŞ OLSUN!